9-րդ դասարանի ավարտական քննության նորմատիվները ձյուդո մարզաձևից

9-րդ դասարանի ավարտական քննության նորմատիվները ձյուդո

1. Տեխնիկայի կատարողական
2. Ուչիմատա հնարք
3. Սեոնագե հնարք
4. Օսոտո-գարի հնարք
5. Օուչի-գարի հնարք
6. Կոուչի-գարի հնարք
7. Ցավեցնող հնարքի կատարում
8. Ձեռքից խեղդող հնարքի կատարում
9. Ասեիկոնի հնարքի կատարում
10. Շիդոյի(նկատողության) տրման պատճառների մեկնաբանություն

Գնահատման սանդղակ՝

Չափորոշիչներով սահմանված կետերից յուրաքանչյուրի լավ կատարման համար սովորողը ստանում է 1 միավոր, թերի կատարման համար 0,5 միավոր, ձախողման դեպքում միավոր չի տրվում: Ընդհանուր հանրագումարը՝ 10 միավոր::

Ուսումնական 4-րդ շրջան

Նարեկ Կարապետյան — աշխատաժամանակ

Скачать

Ձյուդոի առաջնություն` արդյունքներ

«Թանդեռ» սպորտային ակումբում կայացավ ձյուդոի մրցաշար, կրթահամալիրի ձյուդոի ակումբի սաները գրավեցին պատվավոր տեղեր։ Արդյունքները ստորև`

1. Գևորգ Այդինյան, 8_րդ դասարան 1_ին տեղ, Միջին դպրոց
2. Արսեն Գոմցյան, 10_րդ դասարան 1_ին տեղ, Ավագ դպրոց
3. Տիգրան Գրիգորյան, 6_րդ դասարան 1_ին տեղ, Միջին դպրոց
4. Արարատ Զարգարյան, 4_րդ դասարան 2_րդ տեղ, Արևելյան դպրոց
5. Դավիթ Գևորգյան, 3_րդ դասարան 2_րդ տեղ, Արևմտյան դպրոց
6. Դանիել Հարությունյան, 8_րդ դասարան 2_րդ տեղ, Միջին դպրոց
7. Եվա Բուդախյան, 3_րդ դասարան 2_րդ տեղ, Արևմտյան դպրոց
8. Արիս Ղուկասյան, 8_րդ դասարան 3_րդ տեղ, Միջին դպրոց
9. Գագիկ Սարիբեկյան, 3_րդ դասարան 3_րդ տեղ, Արևմտյան դպրոց
10. Արեն Ղազարյան, 7_րդ դասարան 3_րդ տեղ, Միջին դպրոց
11. Էրիկ Ավագյան, 4_րդ դասարան, 3_րդ տեղ, Հյուսիսային դպրոց
12. Տիգրան Ներսիսյան, 3_րդ դասարան 3_րդ տեղ, Արևելյան դպրոց
13. Լուսինե Վարդանյան, 3_րդ դասարան 3_րդ տեղ, Արևմտյան դպրոց

Ձյուդոյի առաջնություն

Մարզիչ՝ Նարեկ Կարապետյան

Մասնակից՝ «Մխիթար Սեբաստացի» կրթահամալիրի սովորողներ

Վայրը՝ Մրցաշարն անցկացվելու է Երևան քաղաքի «Թանդեռ» սպորտային ակումբում

Հասցե՝ Ավան, Բաբաջանյան 18/13

Մրցումների ժամատախտակ՝ Մայիսի 21

Նպատակը՝

Այս մրցումները նպատակ ունեն զարգացնել ձյուդո մարզաձևը, ձեռք բերած մարզական տեխնիկան։ Առողջություն և ընկերություն զարգացնել մարզիկների միջև, ինչպես նաև մասնագիտական հմտություններ ձեռք բերել՝ հետագա մրցաշարերում հաղթանակ կերտելու համար:

Մասնակիցներ՝

1. Գևորգ Այդինյան, Միջին դպրոց 8,7 դասարան
2. Արարատ Զարգարյան, Արևելյան դպրոց 4,1 դասարան
3. Արիս Ղուկասյան, Միջին դպրոց 8,7 դասարան
4. Դավիթ Գևորգյան, Արևմտյան դպրոց 3,3 դասարան
5. Գագիկ Սարիբեկյան, Արևմտյան դպրոց 3,1 դասարան
6. Մարկ Թոփալյան, Արևմտյան դպրոց 3,1 դասարան
7. Արսեն Գոմցյան, Ավագ դպրոց 10,2 դասարան
8. Արեն Ղազարյան, Միջին դպրոց 7,3 դասարան
9. Տիգրան Գրիգորյան, Միջին դպրոց 6,6 դասարան
10. Դանիել Հարությունյան, Միջին դպրոց 6,5 դասարան
11. Էրիկ Ավագյան, Հյուսիսային դպրոց 4,3 դասարան
12. Տիգրան Ներսիսյան, Արևելյան դպրոց 3,1 դասարան
13. Լուսինե Վարդանյան, Արևմտյան դպրոց, 3,1 դասարան
14. Եվա Բուդախյան, Արևմտյան դպրոց, 3,2 դասարան

«Սպարտակ» ձյուդո ակումբի բաց առաջնություն

Մարզիչ՝ Նարեկ Կարապետյան

Մասնակից՝ «Մխիթար Սեբաստացի» կրթահամալիրի Ավագ դպրոցի սովորող

Վայրը՝ Մրցաշարն անցկացվելու է Երևան քաղաքի «Դինամո» ՄՀԿ մարզադահլիճում

Մրցումների ժամատախտակ՝ Մայիսի 12, 13

Նպատակը՝

Այս մրցումները նպատակ ունեն զարգացնել ձյուդո մարզաձևը, ձեռք բերած մարզական տեխնիկան։ Առողջություն և ընկերություն զարգացնել մարզիկների միջև, ինչպես նաև մասնագիտական հմտություններ ձեռք բերել՝ հետագա մրցաշարերում հաղթանակ կերտելու համար:

Անհատական աշխատաժամանակ

Հունվարի 9֊31

Հունվար 9֊ երկուշաբթի

9։20֊10։20 մարզական պարապմունքներ ջոկատների հետ

9։00֊ 9։15առավոտյան պարապմունք

11։00֊12։35 ավագ դպրոց, մարմնամարզական ստուգատես

13։00֊13։40 միջին դպրոց, մարզական պարապմունք

14։00֊15։30 ձյուդոյի լրացուցիչ կրթություն

հունվարի 10֊երեքշաբթի

9։00֊9։15 ընդհանուր պարապմունք

9։30֊10։55մարզական պարապմունքներ ջոկատների հետ

11։00 ֊12։35 ընտրություն

12;55- մարզական պարապմունք ջոկատների հետ

հունվարի 11֊ չորեքշաբթի

9։00֊9։15 ընդհանուր պարապմունք

9։30֊10։55 ձյուդոյի և մարզադաշտերի մաքրություն

11։00֊12։35 ավագ դպրոց, մարմնամարզական ստուգատես

13֊00֊14։00 միջին դպրոց, մարզական պարապմունք

14։00֊15։30 ձյուդոյի լրացուցիչ կրթություն

հունվարի 12֊ հինգշաբթի

9։00֊9։15 ընդհանուր պարապմունք

9։30։10։55 մարզական պարապմունքներ ջոկատների հետ

10։00֊12։35 ընտրություն

13։40֊14։40 մարզական պարապմունք

հունվար 13֊ ուրբաթ

9։00֊9։15 ընդհանուր պարապմունք

9։30֊11։00 միջավայրի խնամք

11։30֊12։30 մարզական պարապմունքներ ջոկատների հետ

14։00֊15։30 ձյուդոյի լրացուցիչ կրթություն

Հունվար 16֊ երկուշաբթի

9։00֊ 9։15առավոտյան պարապմունք

9։20֊10։20 մարզական պարապմունքներ ջոկատների հետ

11։00֊12։35 ավագ դպրոց, մարմնամարզական ստուգատես

13։00֊13։40 միջին դպրոց, մարզական պարապմունք

14։00֊15։30 ձյուդոյի լրացուցիչ կրթություն

հունվարի 17֊երեքշաբթի

9։00֊9։15 ընդհանուր պարապմունք

11։00 ֊12։35 միջին դպրոցի ջոկատներ

հունվարի 18֊ չորեքշաբթի

9։00֊9։15 ընդհանուր պարապմունք

9։30֊10։55 ձյուդոյի և մարզադաշտերի մաքրություն

11։00֊12։35 ավագ դպրոց, մարմնամարզական ստուգատես

13֊00֊14։00 միջին դպրոց, մարզական պարապմունք

14։00֊15։30 ձյուդոյի լրացուցիչ կրթություն

հունվարի 19֊ հինգշաբթի

9։00֊9։15 ընդհանուր պարապմունք

10։00֊12։35 միջին դպրոցի ջոկատներ

13։40֊14։40 մարզական պարապմունք

հունվար 20֊ ուրբաթ

9։00֊9։15 ընդհանուր պարապմունք

9։30֊11։00 միջավայրի խնամք

11։30֊12։30 միջին դպրոցի ջոկատներ

14։00֊15։30 ձյուդոյի լրացուցիչ կրթություն

հունվարի 23֊ երկուշաբթի

9։00֊9։15 ընդհանուր պարապմունք

9։20֊10։20 միջին դպրոցի ջոկատներ

11։00։12։35 ավագ դպրոցի մարմնամարզական ստուգատես

13։00֊14։40միջին դպրոց, մարզական

14։00֊15։30 ձյուդոյի լրացուցիչ կրթություն

Հետազոտական աշխատանք

Հետազոտական աշխատանքը այստեղ

d586d5a1d680d5a5d5af-d4bfd5a1d680d5a1d5bad5a5d5bfd5b5d5a1d5b6-d5b0d5a5d5bfd5a1d5a6d5b8d5bfd5a1d5afd5a1d5b6-1Скачать

                               «Մխիթար Սեբաստացի» կրթահամալիր

ՀԵՐԹԱԿԱՆ ԱՏԵՍՏԱՎՈՐՄԱՆ ԵՆԹԱԿԱ ՈՒՍՈՒՑՉԻ   ՎԵՐԱՊԱՏՐԱՍՏՄԱՆ ԴԱՍԸՆԹԱՑ

          «Հետազոտական աշխատանք կատարելու սկզբունքները» բաժին

                                        ՀԵՏԱԶՈՏԱԿԱՆ ԱՇԽԱՏԱՆՔ

Թեմա՝ Օրացուցային մրցաշարեր, առաջնություններ

Կատարող՝ Նարեկ Կարպետյան

Դասավանդած առարկան՝ ֆիզկուլտուրա, ձյուդոյի մարզիչ

Խորհրդատու՝ Նաիրա Հարությունյան

                                                             2022

                               Հետազոտական աշխատանքի կառուցվածքը

1. Տիտղոսաթերթ
2. Բովանդակություն
3. Ներածություն, որտեղ հիմնավորվում է թեմայի ընտրությունը, ձևակերպվում է աշխատանքի հստակ նպատակը (Տեքստը շարադրելիս անհրաժեշտ է հղում կատարել այն աղբյուներին, որոնիցի փոխառնվել են օգտագործված նյութերը)
4. Բաժիններ
5. Եզրակացություն, առաջարկություն
6. Օգտագործված գրականություն

                                                        Ներածություն

Ուսումնական հաստատություններում ուսումնադաստիարակչական գործունեությունը չի կարող գոյություն ունենալ առանց ուսուցչի աշխատանքի նախնական մասնագիտական ​​պլանավորման: Աշխատանքի ճիշտ կազմակերպումը թույլ է տալիս ընդգծել նպատակներն ու խնդիրները, նշել աշակերտների արդյունքները, ձեռքբերումները որոշակի ժամանակահատվածում: Այսինքն՝ այն խնդիրները, որոնք մարզիչը ցուցադրում է օրացուցային-թեմատիկ պլանավորման մեջ, պետք է գործնականում իրականացվեն, որպես կոնկրետ դպրոցում ուսումնական գործընթացի մաս։ «Մխիթար Սեբաստացի» կրթահամալիրի սովորողները և դասավանդողները իրենց ուսումնական տարին կազմակերպում են ուսումնական տարվա, ուսումնական օրացույցով:  «Մխիթար Սեբաստացի» կրթահամալիրի ուսումնական տարվա ուսումնական օրացույցը մշակվում է մանկավարժության կենտրոնում՝ ուսումնական նախագծերի, դպրոցների, մասնախմբերի, ուսումնական կենտրոնների ղեկավարների մասնակցությամբ: Օրացույցը հաստատում է կրթահամալիրի տնօրենը՝ մինչև ուսումնական տարվա մեկնարկը։ «Մխիթար Սեբաստացի»  կրթահամալիրի օրացույցը հրապարակում է կրթահամալիրի մանկավարժության կենտրոնը։ Ուսումնական օրացույցի հավելվածներն են դպրոցների, ուսումնական կենտրոնների, ստուգատես-ստեղծագործական հավաքների ամսական օրացույցները։  Օրացույցը կազմվում է կրթահամալիրի տարեկան, դպրոցների, ուսումնական կենտրոնների ամսական օրացույցների, ուսումնական նախագծերի, ստուգատես-ստեղծագործական հավաքների՝ հրապարակված ծրագրերի-աշխատակարգերի հիման վրա։ Օրացույցում փոփոխություններն առաջարկում են դպրոցների, ուսումնական կենտրոնների ղեկավարները՝ ուսումնական նախագծերի, ստուգատես-ստեղծագործական հավաքների ղեկավարները։  «Մխիթար Սեբաստացի» կրթահամալիրի օրացույցը օրվա աշխատակարգը կազմում է mskh.am-ի առաջին էջի խմբագիրը՝ ամսվա օրացույցի, դպրոցների, ուսումնական նախագծերի, ստուգատես-ստեղծագործական հավաքների օրվա աշխատակարգերի հիման վրա։  Mskh.am-ում կան բաժիններ՝տարեկան, ամսական օրացույցներով, հունվար, փետրվար, մարտ, ապրիլ, մայիս, հունիս, հուլիս, օգոստոս, սեպտեմբեր, հոկտեմբեր, նոյեմբեր, դեկտեմբեր ամիսների՝ օրվա աշխատակարգերով: Այս ամենի մեջ կարևորում եմ, որ ամենամյա օրացույցում ներառվում են նաև մարզական միջոցառումները, մրցաշարերը, միջդասարանական մրցաշարերը, միջդպրոցական մրցաշարերը, ստուգատեսները, ռազմամարզական ճամբարները, ձմեռային մարզական խաղերը, ցուցադրական ելույթները, ամառային բաց մարզական չամբարները և այլն:

Օրինակ կարող է հանդիսանալ 2021-2022թթ.–ի մարզական օրացույցը, որտեղ ներառված են տարվա մեջ տեղի ունեցող մարզական միջոցառումների նախագծերը՝ ամեն ամիս: Մարզական տարեկան օրացույցը  «Մխիթար Սեբաստացի» կրթահամալիրի օրացույցի հավելված է, որը  տեղադրված է մարզական կենտրոնի բլոգում: 

Որպես օրինակ ներկայացնում եմ նաև ձյուդոյի ֆեդերացիայի կողմից կազմված 2022թ-ի ձյուդոյի հանրապետական մրաշարերի օրացուցային պլան գրաֆիկը: Գրաֆիկը ներառում է ձյուդոյով զբաղվող պատանիների, երիտասարդների և մեծահասակների մրցաշարերի տարեկան օրացուցային պլան գրաֆիկը: Գրաֆիկը  ֆեդերացիան հրապարակում է տարվա սկզբին և այնտեղ ներառված մրցաշարերը իրականացնում է տարվա ընթաքում: Մրցաշարերում փոփոխություն կատարելու համար, ֆեդերացիան նախօրոք տեղեկացնում է փոփոխության մասին, որը տեղադրում է ֆեդերացիայի ֆեսբուքյան էջին:

Ձյուդոյի ֆեդերացիա — պաշտոնական ֆեսբուքյան էջը:

Մրցաշարերին մասնակելու համար ֆեդերացիան մրցաշարի կանոնակարգը ուղարկում է մարզադպրոցներ, որից հետո հայտ ներկայացրած մարզադպրոցների ձյուդոյի ակումբները մասնակցում են մրցաշարին:

Ֆեդերացիայի օրացույցաին պլան գրաֆիկում ներառվում են նաև ուսումնամարզական հավաքները, որին մասնակցում են ձյուդոյի հավաքական թիմերը, ձյուդոյի մարզական ակումբները: Ուսումնամարզական հավաքները անցկացվում են հիմնականում Երևան քաղաքից դուրս, մաքուր օդում, օրը երկու կամ երեք մարզական պարապմունքներով, շեշտը դնելով ֆիզիկական պատրաստության և մասնագիտական զարգացման վրա: Այդպիսի մարզական հավաքի մասնակցեցին «Մխիթար Սեբաստացի»  կրթահամալիրի, ձյուդոյի լրացուցիչ մարզական ակումբի սովորողները:

Նախագծի հեղինակ, ձյուդոյի մարզիչ՝ Նարեկ Կարապետյան

Նախագծի ժամանակահատվածը. 16.06-20.06.2022

Վայրը՝ Ծաղկաձոր

Նախագծի նպատակը և խնդիրները՝

Ճամփորդության նպատակն է ձյուդոյի մասնագիտական գիտելիքների հմտության ինչպես նաև սպորտային հոգեբանությոան և ընկերասիրությոան ձեռք բերում, : Սովորողները ձեռք բերեն ինքնուրույնություն, ծանոթանան մեկը մյուսի և Հայաստանի լավագույն մարզիկների հետ: Ձեռք բերեն բարձունքի հաղթահարման փորձ և հմտություն,ընդհանուր ֆիզիկական պատրաստություն և կոփվածություն:

Մասնակիցներ՝«Մխիթար Սեբաստացի»կրթահամալիրի ձյուդոյի լրացուցիչ կրթության մարզիկներ՝

1. Գոռ Թորգոմյան 6- րդ դասարան
2. Մարկ Թոփալյան 3-րդ դասարան
3. Մհեր Դանիելյան 4-րդ դասարան
4. Վահան Դանիելյան 8-րդ դասարան
5. Արեն Ղազարյան 6 -րդ դասարան
6. Արամ Սարգսյան 6-րդ դասարան

«TENDER» մարզական ակումբ

1. Սյոմա Մխիթարյան
2. Վաղարշ Գրորգյան
3. Վալերի Հարությունյան
4. Երեմ Սարգսյան
5. Հայկ Հովհաննիսյան
6. Աշոտ Սիմոնյան
7. Արեգ Գրիգորյան
8. Հայկ Մարկոսյան
9. Գնել Այվազյան
10. Իշխան Այվազյան

Օրակարգ՝

16.06

09.00 մեկնում

14.00 ճաշ

14.30 հանգիստ

15.30 ընդհանուր ֆիզիկական պատրաստություն

18.00 այց Կեչառիս վանական համալիր

19.30 ընթրիք

21.00 երեկոյան զբոսանք

22.00 հանգիստ

17.06

8.00 նախավարժանք

9.00 նախաճաշ

11.00 մարզական խաղեր

13.00 ճաշ

15.00 բարձունքի հաղթահարում Ալիբեկ

19.30 ընթրիք

21.00 երեկոյան զբոսանք

22.00 հանգիստ

18.06

8.00 նախավարժանք

9.00 նախաճաշ

11.00 այց Հրազդանի ձյուդոյի մարզական ակումբ, հավաքականի անդամների հետ համատեղ պարապմունքի

14.00 վերադարձ Ծաղկաձոր

14.30 ճաշ

17.00 Ծաղկաձորի սպորտբազա համալիր, ծանոթացում և հմտությունների փոխանակում Հայաստանի լավագույն մարզիկների հետ

19.30 ընթրիք

21.00 երեկոյան զբոսանք

22.00 հանգիստ

19.06

8.00 նախավարժանք

9.00 նախաճաշ

11.00 այց Հրազդանի ձյուդոյի մարզական ակումբ, հավաքականի անդամների հետ համատեղ պարապմունքի

14.00 վերադարձ Ծաղկաձոր

14.30 ճաշ

17.00 Ծաղկաձորի սպորտբազա համալիր, ծանոթացում և հմտությունների փոխանակում Հայաստանի լավագույն մարզիկների հետ

19.30 ընթրիք

21.00 երեկոյան զբոսանք

22.00 հանգիստ

20.06

8.00 նախավարժանք

9.00 նախաճաշ

11.00 վազք դեպի թթու ջուր

14.00 ճաշ

15.00 շրջայց Ծաղկաձորի տեսարժան վայրերում

18.00 ընդհանուր քննարկում և վերլուծում

19.00 ընթրիք

19.30 վերադարձ Երևան

Արդյունքը՝

Կրթահամալիրի ձյուդոյիստները հունիսի 16-20-ը հնգօրյա մարզական պարապմունքներով եղան Ծաղկաձորում:

Հինգ օրերի ընթացքում սովորողները այցելեցին Հրազդանի ձյուդոյի մարզական ակումբ՝ հավաքականի անդամների հետ համատեղ պարապմունքի։ Ծանոթացան Հայաստանի լավագույն մարզիկների հետ։ Մասնագիտական նոր գիտելիքներ ձեռք բերեցին: Եղան Ծաղկաձորի «Կեչառիս» վանական համալիրում։ Իրականացրեցին վազք դեպի թթու ջուր։ Սովորեցին լինել ավելի ինքնուրույն և հնարավորություն ունեցան ավելի լավ ճանաչելու մեկը մյուսին:  Ուսումնամարզական հավաքին մասնակցելու խթան հանդիսացավ «Մխիթար Սեբաստացի» կրթահամալիրի ձյուդոիստների մասնակցությունը «Զեյթուն» ակումբի ներքին առաջնությանը: Առաջնության նախագիծը

Արդյունքում՝

Հունիսի 5-ին Երևան քաղաքի «ՀՖԿՍՊԻ» մարզադահլիճում անցկացվեց Երևանի «Զեյթուն»  ակումբի ներքին  առաջնությունը։ «Մխիթար Սեբաստացի» կրթահամալիրի ձյուդոիստ- մարզիկներից առաջնությանը մասնակցեցին և գրավեցին հորիզոնականներ:

Գոմցյան Արսեն 2008 թ․ 73 կգ․ 9- րդ դասարան՝ առաջին հորիզոնական

Թովմասյան Գարիկ 2011թ․ 38 կգ․6-րդ դասարան՝ չորորդ հորիզոնական

Զարբաբյան Էմիլ 2011 թ․ 38 կգ․ 4-րդ դասարան՝ առաջին հերիզոնական

Թոփալյան Մարկ 2014 թ 21 կգ․ 2-րդ դասարան՝ երրորդ հորիզոնայան

Կարեն Ասլանյան 2010թ․ 50 կգ․ 6-րդ դասարան՝ երրորդ հորիզոնական

Ղազարյան Արեն 2010թ 27 կգ․ 6-րդ դասարան՝ առաջին հորիզոնական

Դանիելյան Վահան 2008թ 42 կգ, 8-րդ դասարան՝ երրորդ հորիզոնական

Մուշեղյան Հայկ2010թ 50 կգ 6-րդ դասարան՝ երրորդ հորիզոնական

«Մխիթար Սեբաստացի» կրթահամալիր օրացույցի անբաժան մասն են կազմում  ամառային ուսումնական՝ բնապահպանական, ռազմամարզական, հայրենագիտական, արտակարգ իրավիճակների ճամբարները, որոնք  գործում են կրթահամալիրի Արատեսի դպրական կենտրոնում․ կարող են գործել նաև այլ՝ նախապես ուսումնասիրվա, հաստատված տարածքներում: Ռազմամարզական ճամբարի բովանդակային պարտադիր բաղադրիչներն են․

Բովանդակություն

• ռազմամարզական խաղեր
• բնապահպանական գործունեություն
• հայրենագիտական-արշավախմբային քայլքեր, բարձունքի հաղթահարում
• նախազորակոչային իրավունք դասընթացի դաշտային պարապմունք
• պարուսուցում, երգուսուցում
• շինարարական աշխատանքներ
• ինքնասպասարկում
• խոհանոցային գործ
• ջոկատային աշխատանքներ
• լող, բազմամարտի պարապմունքներ
• ԱԻՆ-ի Վայոց ձորի կառույցի մասնագետների պարապմունք՝ առաջին      բուժօգնություն, գետանցում,  

 «Մխիթար Սեբաստացի» կրթահամալիրի սովորողները  մասնակցել են  ռազմամարզական ճամբարների, Սևանում, Արցախում, Ծովինարում, Վաղաշենում և Արատեսում

«Մխիթար Սեբաստացի» կրթահամալիրի օրացույցի բաժին դարձած  մարզական օրացույցը կարևոր դեր է խաղում, որտեղ կարևորում եմ նաև մարզական ձմեռային խաղերի, ստուգատեսների նախագծերը: Հունվար ամիսը ամբողջությամբ կազմված է ձմեռային նախագծային, ստուգատեսային ճամբարից : Մարզիչները ակտիվ  մասնակցում են մարզական ճամփորդություններին, ձմռային մարզական խաղերին:

Ձմեռային մարզական խաղեր 2022 մարզական կենտրոնի բլոգից:

Ներկայացնում եմ հունվարի ճամբարային, ստուգատեսային  նախագծերը՝

Ձմեռային մարզական խաղեր «Ջրվեժ» անտառպարկում

Ձմեռային խաղերը ճամբարում

Ձմեռային մարզական խաղեր

Ձմեռային խաղեր. Ջրվեժի անտառապարկ․ 2.2դասարան

Ծաղկունքի հրաշալիքը

Ձմեռային մարզական խաղեր 1.3 դասարան

Ձմեռային մարզական խաղեր 2022. Կոտայքի մարզ, Սևաբերդ

Ձմեռային մարզական խաղերը Ջրվեժի արգելոցում

Եզրակացություն

Ելնելով հետազոտության արդյուքից, եկել եմ հետևյալ եզրահանգման

1. «Մխիթար Սեբաստացի» կրթահամալիրում, մանկավարժական լաբորատորիայի կողմից մանրամասն մշակած և հրապարակած ուսումնական օրացույցը գործում է ամբողջ տարվա ընթացքում:
2. Օրացույցը բաց է, որից կարող են օգտվել և օգտվում են ոչ միայն կրթահամալիրի, այլև Երևանի և մարզերի դասավանդողները:
3. Ամեն տարի օրացույցը համալրվում և զարգանում է:

                               Օգտագործված գրականություն և կայքեր

1. «Մխիթար Սեբաստացի» կրթահամալիր mskh.am
2. Dpir.mskh.am
3. «Մխիթար Սեբաստացի» կրթահամալիրի մարզական կենտրոն
4. Մանկավարժական լաբորատորիայի բլոգ
5. Ձյուդոյի ֆեդերացիայի ֆեսբուքյան կայք էջ

Աշխատաժամանակ

Աշխատաժամանակ- Նարեկ Կարապետյան

d586d5a1d680d5a5d5af-d4bfd5a1d680d5a1d5bad5a5d5bfd5b5d5a1d5b6Скачать

Վերապատրաստում ֆիզկուլտուրա

Ատեստավորման ենթական ուսուցիչների վերապատրաստման դասընթացներ. 2022թ.

Բաժինը՝ Առարկայի դասավանդման մեթոդիկա — 30 ժամ, 2 կրեդիտ

Տևողությունը՝ հոկտեմբերի 3-28

Պարապմունքների օրերը՝ երկուշաբթի, չորեքշաբթի, ուրբաթ

Վայրը՝ Միջին դպրոց, 2-4 կաբինետ, սկիզբը՝ 15։00

Վերապատրաստող՝Նաիրա Հարությունյան, էլ. փոստի հասցե՝ naira-fizkult@mskh.am

Աշխատակարգ

Թեմա 1․Ուսումնական առարկայի ուսուցման նպատակը և խնդիրները

Գործնական աշխատանք, քննարկում՝

1.Ծանոթանալ, գրել նկատառումներ «Ֆիզիկական կրթություն և անվտանգ կենսագործունեություն» բնագավառի կազմակերպման կարգ

Կարդացի կրթահամալիրի ֆիզկուլտուրայի կազմակերպման կարգը: Կարգը հասկանալի է և պարզ: Նկատառումներ չունեմ:

Անհատական աշխատանք՝

2.Հանրակրթության հետևողական նպատակի իրականացման արդյունքում, ակնկալվում է, որ շրջանավարտը «Ֆիզիկական կուլտուրա» առարկայի ուսուցման արդյունքում պետք է իմանա՝

օգտվել՝ Ֆիզիկական կուլտուրա, ուսումնական առարկայի ծրագրից (1-12-րդ դասարաններ)

Միջին դպրոց. Գիտելիքներ, կարողություններ, հմտություններ, միջին մակարդակ

• Կարող է կատարել ընդհանուր զարգացնող վարժություների համալիրներ:
• Կարող է կատարել կախեր և հենումներ. տղաներ՝ պտտաձողի վրա վերելք ուժով, կախ ծալված, կախ արտակորված, կախ դրությունից ձգումներ, աղջիկներ՝ կախ պառկած դրությունից ձգումներ:
• Կարող է հենացատկել՝ այծի վրայով «Ոտքերը կծկած» եղանակով տղաներ՝100- 110սմ բարձրությունը: Աղջիկներ՝ցատկ այծի վրայով «Ոտքերը զատած» եղանակով 100սմ բարձրության:
• Կարող է կատարել՝ Տղաներ՝ գլուխկոնծի առաջ, երկարությամբ, կանգ ձեռքերիվրա վարժակցի օգնությամբ: Աղջիկներ՝ գլուխկոնծի ետ ընդունելով կիսալարան դրությունը:
• Կարող է պարանամագլցել ձեռքերի և ոտքերի օգնությամբ՝ տղաները 3 մ, աղջիկները 2,5 մ բարձրություն:
• Կարող է վազել արագացումով 40մ, փոփոխական տեմպով 6 րոպե/աղջիկներ/ և 8 րոպե /տղաներ/: Վազել 1000 մետր:
• Կարող է բարձրացատկել «Քայլանցման» եղանակով՝ տղաները 100-110 սմ,աղջիկներ 80-90 սմ բարձրության:
• Կարող է էստաֆետային փայտիկը ճիշտ փոխանցել և ընդունել:
• Կարող է բասկետբոլի գնդակը նետել զամբյուղի մեջ երկու քայլով, միջին և հեռու տարածությունից, կատարել տուգանային նետում: Խաղալ բասկետբոլ կանոնների պահպանումով:
• Կարող է վոլեյբոլի գնդակը փոխանցել ցանցի վրայով և ընդունել երկու ձեռքով, կատարել ցածից և վերին ուղիղ սկզբնահարված, ուղիղ հարձակողական հարված, ընդունել սկզբնահարվածը:
• Խաղալ վոլեյբոլ կանոնների պահպանումով:
• Կարող է հանդբոլի գնդակով կատարել վարում, փոխանցումներ, նետում դարպասին՝ վերևից շարժման մեջ, կանգառով, ցատկով, գնդակը դուրս խփել, որսալ և շրջափակել: Խաղալ հանդբոլ կանոնների պահպանումով:
• Կարող է հարվածել ֆուտբոլի գլորվող գնդակին, ոտնաթաթին ներսի մասով և ոտնաթմբով, գնդակը վարել, կասեցնել ոտնաթաթով, կրծքով, խլել մրցակցից:
• Խաղալ ֆուտբոլ կանոնների պահպանումով:
• Ցուցաբերում է համարձակություն,նախաձեռնություն, փոխօգնություն,ինքնատիրապետում, հանդուրժողականություն:
• Կրոլ և բրաս լողաձևով լողում է հավասարաչափ և փոփոխական արագությամբ 100 մետր:
• Կարող է խեղդվողին տեղափոխել:
• Կարևորում է ուժային վարժություն-ների նշանակությունը ներդաշնակ զարգացման համար:
• Կարող է ծանրաձողով կատարել կքանիստեր, սեղմումներ:
• Կարող է մարզասարքերի վրա կատարել վարժություններ ուժի մշակման ուղղությամբ:
• Կարող է վնասվածքների և ցրտահարությունների ժամանակ ցույց տալ առաջին օգնություն։
• Կարող է կատարել չմշկային ընթացք և հենումով դարձում։
• Կարող է կրկնվող դահուկաընթացքով անցնել 500մ։
• Գիտի սեղանի թենիսի կրթական , առողջարարական և դաստիարակչական նշանակությունները։
• Կարող է կատարել սեղանի թենիսի տեխնիկական հնարքները։ 

Միջին դպրոց. Վերջնարդյունքում՝

• Ֆիզիկական կուլտուրայով և սպորտով զբաղվելու անհրաժեշտության, առողջության պահպանման և ներդաշնակ զարգացման կարևորում:
• Սեփական առողջական վիճակին, ֆիզիկական զարգացմանը և ֆիզիկական պատրաստվածության հանդեպ հետևողականություն:
• Օլիմպիզմի և օլիմպիական շարժման հումանիստական համամարդկային գաղափարների կարևորում:
• Բարոյակամային հատկանիշներ՝ փոխօգնության պատրաստակամություն և հայրենասիրություն, հանդուրժողականություն, հարգանք ուրիշի նկատմամբ և օգնության հասնելու պատրաստակամություն:

Թեմա 2․ Խմբային աշխատանքի իրականացումը ուսումնական առարկայի ուսուցման ընթացքում

Գործնական աշխատանք, քննարկում՝

• Թիմային աշխատանքներ
• Համագործակցային նախագծեր
• Ընտանեկան նախագծեր, ակումբային նախագծեր,
• Ռազմամարզական նախագծեր,
• Միջդասարանական նախագծեր

Անհատական աշխատանք՝

1.Նկարագրել թիմային աշխատանքի առանձնահատկությունները, անհատի դերը թիմում:

Բոլոր մարզաձևերում շատ կարևոր է թիմ հասկացությունը, թիմային աշխատանքը, թիմում մարզիկների առողջ հարաբերությունները: Թիմային աշխատանքը կարևոր է նաև անհատական մարզաձևերում, այդ թվում նաև ձյուդոյում: Թիմի լավ մթնոլորտը խթան է հանդիսանում ,որ մարզիկները հասնեն մեծ բարձունքների: Իհարկե թիմում մեծ դեր ունի թիմի ավագի գործոնը: Եթե թիմի ավագը և թիմի անդամները կատարում են մարզիչի հրահանգները, միասնական քրտնաջան աշխատում են, ապա կարող են հաղթահարել բոլոր դժվարությունները և հասնել մեծ հաղթանակների

2. Ինչպես սկսել համագործակցային նախագիծը/ նախնական պայմանավորվածություն, ծանոթացում, ընթացք, շարունակություն/

Կրթական փոխանակումների նախագծի մշակման և իրականացման կարգ

Կրթահամալիրի ձյուդոյիստները հունիսի 11-14-ը քառօրյա մարզական պարապմունքներով եղան Ծաղկաձորում: Չորս օրերի ընթացքում սովորողները այցելեցին Հրազդանի ձյուդոյի մարզական ակումբ՝ հավաքականի անդամների հետ համատեղ պարապմունքի մասնակցելու համար: Ծանոթացան Հայաստանի լավագույն մարզիկների հետ։ Մասնագիտական նոր գիտելիքներ ձեռք բերեցին: Եղան Ծաղկաձորի <<Կեչառիս>> վանական համալիրում։ Իրականացրեցին վազք դեպի թթու ջուր։ Սովորեցին լինել ավելի ինքնուրույն և հնարավորություն ունեցան ավելի լավ ճանաչելու մեկը մյուսին:

3.Կազմել որևէ ընտանեկան և ակումբային նախագիծ / սկիզբ, ավարտ/

Ակումբային գործունեության կարգ

Ձյուդոյի մարզասրահում Արևմտյան դպրոցի ճամբարականներն են

4.Ծանոթանալ կրթահամալիրի ռազմամարզական նախագծերին, դրա հիմա վրա կազմել ռազմամարզական նախագիծ սեփական դպրոցի բազայի վրա։

Դեպի Արատես

Թեմա 3․Լաբորատոր և/ կամ գործնական, նախագծային աշխատանքների կազմակերպումը ուսումնական առարկայի դասերին

Գործնական աշխատանք, քննարկում՝

• Նախագծային ուսուցում (նախագծերի տեսակները, նախագծին ներկայացվող պահանջներ, նախագծի կառուցվածք)
• Տարբեր մարզաձևերից մրցաշարային նախագծեր, միջազգային մրցաշարեր, սպորտլանդիաներ, միջդասարանական, ընկերկան հանդիպումներ (կանոնադրությունը, նպատակը, ընթացքը, արդյունքը)
• Ճամփորդությամբ ուսուցում, ուսումնական ճամբարներ, հայրենագիտական ճամփորդություններ, արշավներ, ռազմամարզական ճամբարներ (նպատակը, խնդիրները, կազմակերպումը, կազմակերպման կարգը)

Անհատական աշխատանք՝

1․Կարդալ նշված հոդվածները, մեթոդական մշակումները։ Դրանցից մեկը գրախոսել։

Ուսումնական նախագծի մշակման և իրականացման կարգ

Ուսումնական ճամփորդության կազմակերպման կարգ

Կարդացի ճամփորդության կազմակերպման կարգը, կարգը գրված է հասկանալի և պարզ, այլ բան է ինչպես է այն իրականացվում, դասավանդողը և սովորողը հետևու”մ են կարգի կատարմանը թե ոչ: Լրացում չունեմ:

Ուսումնական ճամբարի կազմակերպման կարգ: Ամառային ստեղծագործական բաց ճամբարի կազմակերպման կարգ

2․Կազմել մեկ նախագիծ, այն իրականացնել սովորողների հետ, ընթացքը և արդյունքները վերլուծել։

Ձյուդոյի հնգօրյա միասնական հավաք Ծաղկաձորում

3․Կազմել մեկ ճամփորդության նախագիծ, այն իրականացնել սովորողների հետ, ընթացքը և արդյունքները վերլուծել։

Զեյթուն ակումբի ներքին առաջնություն

Արդյունքը

Զեյթուն ակումբի ներքին առաջնություն

Թեմա 4․ Միջառարկայական կապերի օգտագործումը և ինտեգրված դասերի կազմակերպումը

Գործնական աշխատանք, քննարկում՝

• Կենսաբանություն
• Հայոց լեզու
• Մաթեմատիկա
• Ֆիզիկա
• Պատմություն
• ՆԶՊ
• Տարրական դասարաններում՝ կերպարվեստ, երաժշտություն

Անհատական աշխատանք՝

1․Ներկայացնել ինչ հնարավարություն է տալիս միջառարկայական կապերի իմացությունը ֆիզիկական կուլտուրա առարկայի դասավանդման ժամանակ, ինչպես  օգտագործել այդ կապեր

Ֆիզիկական կուլտուրայի դասերին նպատակահարմար է հենվել ներառարկայական և միջառարկայական կապերի վրա։

Ֆիզիկական կուլտուրայի դասերին հնարավորություններ կան օգտագործելու կենսաբանության (նյութափոխանակություն, սիրտանոթային և շնչառական համակարգեր, ֆիզիկական վարժությունների ներգործությունը մարդու օրգանիզմի վրա և այլն), հայոց լեզվի (մարզագույքի, կահավորանքի և վարժությունների ճիշտ տերմինաբանությւն և այլն), մաթեմատիկայի (վազքի հեռավորություն ու արագություն, տևողություն և այլն), ֆիզիկա (լողում ջրի դիմադրության հաղթահարում, դահուկասահքերում ձյան և դահուկի շփում, գնդի հրման անկյուն և այլն), պատմության (օլիմպիական խաղեր, ֆիզիկական դաստիարակության ակունքներ և այլն) ուսումնական նյութ։

Տարրական դասարաններում մեծ է կերպարվեստի (շարժումների դիրքերի գեղեցկության գնահատում), երգ-երաժշտության (վարժությունների կատարում երաժշտության նվագակցությամբ, պարային վարժություններ) և ֆիզիկական դաստիարակության փոխկապի դերը։

Թեմա 5․ ՏՀՏ օգտագործումը ուսումնական առարկայի դասարանական և արտադասարանային պարապմունքների ժամանակ

Գործնական աշխատանք, քննարկում՝

• Բլոգային ուսուցում, բլոգավարություն (դասավանդողի, սովորողի բլոգին ներկայացվող պահանջներ, դասավանդողի նախագծային փաթեթ, աշխատանքային նախագիծ)
• Ինքնուրույն  աշխատանքներ, թիմային աշ­խա­տանքներ, մրցաշարեր, ցուցադրական ելույթներ
• Ուսումնական մարզական TV
• Հեռավար ուսուցում, մարզական տեսանյութեր
• Առցանց մարզական պարապմունքներ, էլեկտրոնային պրեզենտացիաներ

Անհատական աշխատանք՝

1.Կարդալ նյութերը

ՏՀՏ-ն կրթական ծրագրերում

Մանկավարժական աշխատողի բլոգին ներկայացվող պահանջներ

Սովորողի բլոգին ներկայացվող պահանջներ

Հեռավար ուսուցման կազմակերպման կարգ

Առցանց ուսումնական պարապմունքի կազմակերպման կարգ

2. Ավանդական մոդելից զատ, ինչպես օգտագործել տե­ղե­կատ­վա­կան տեխ­նոլոգիաները, ֆիզիկական կուլ­տու­­րայի դասա­վանդ­ման գործընթացում ( տեսական նյութեր, ուսու­­ցանվող ֆի­զի­կա­կան վար­ժության տեխնիկան, հայտնի մարզիկ­նե­րի մարզական կեն­սագրությունը, պատ­մա­կան փաստերը)

Հանրակրթական դպրոցում դասավանդվող «Ֆիզիկական կուլտուրա» առարկայի գործընթացում կիրառվող ավանդական մոդելը ոչ միշտ է համապատասխանում ժամանակակից հասարակության պահանջներին։ Ժամանակն է ֆիզիկական կուլտուրայի դասավանդման գործընթացում որոնել և ներդնել նոր ուղիներ, մշակել դասավանդման նոր մոդելներ` հիմնված տեղեկատվական տեխնոլոգիաների կիրառման վրա:

Ֆիզիկական կուլտուրայի դասը ընդգրկում է մեծ ծավալի տեսական նյութ, որի համար տրվում է մինիմալ քանակի դասաժամեր։ Այս խնդրի լուծման համար հիանալի միջոց կարող է հանդիսանալ համակարգչային տեխնիկան` օրինակ էլեկտրոնային շնորհանդեսները (պրեզենտացիաներ), տեսանյութերը, համացանցից վերցրած նյութերը, թվային ֆոտոպատկերները, նկարները, անիմացիաները, ինչպես նաև ձայնային և տեսաձայնային պատկերները: Այս ամենը ավելի կբարձրացնի ուսուցման գործընթացի արդյունավետությունը։

Թեմա 6 Սովորողների ճանաչողական հմտություններ, գործնական կարողություններ ձևավորող և ստեղծագործական մտածողությունը զարգացնող առաջադրանքների կիրառումը

Գործնական աշխատանք, քննարկում՝

• Ուսումնական մարզական նյութեր, գործնական մարզական պարապմունքներ
• Մեդիագրադարան

Անհատական աշխատանք՝

1. Կազմել դասի պլան գրաֆիկ կրտսեր և ավագ դպրոցի համար

Ընդունված է, որ դպրոցը ֆիզիկական կուլտուրայի ուսումնական աշխատանքների կազմակերպման համար պետք է ունենա պլանավորման հետևյալ փաստաթղթերը.

Ժամացանց,

· Տարեկան պլանավորում /պլան-գրաֆիկ/,

· թեմատիկ պլանավորում ըստ կիսամյակների,

· դասի պլանավորում։

Ուսուցման գործընթացի արդյունավետությունը մեծապես կախված է դասի ճիշտ պլանավորումից։

Դասի բուն ընթացքը կարելի է ներկայացնել հետևյալ ընդհանրական սխեմայով.

· ներգրավիչ մաս

· հիմնական մաս

· եզրափակիչ մաս

Դասի այդ մասերից յուրաքանչյուրը ունի իր նպատակը, խնդիրները և իրականացման միջոցները։

2. Պլանավորել և ներկայացնել մասնագիտական մարզական պարապմունք / ուսուցանվող նյութը, անհրաժեշտ կահավորանքը, անհրաժեշտ գույքը, մարզվողների քանակը, անհատական և կամ խմբային աշխատանքի համար /

Ձյուդոն որպես լրացուցիչ կրթություն

3. Մեդիագրադարանից ընտրել ուսումնական նյութ, այն փորձարկել սովորողների հետ, գրել դիտարկումներ։

Թեմա 8․ Սովորողների ուսումնական գործունեության միավորային և ձևավորող գնահատումը

Գործնական աշխատանք՝

• Դասին մասնակցություն
• Բանավոր հարցում
• Գործնական աշխատանք
• Ինքնակրթություն
• Տարբեր մակարդակի մրցաշարեր, ստուգատեսներ, ցուցադրական ելույթներ
• Ֆլեշմոբներ

Անհատական աշխատանք՝

Գնահատումն իրականացվում է 10-միավորանոց սանդղակով: Դրական գնահատական են համարվում 4 -10 միավորները

1. Նկարագրել գնահատման 10 միավորանոց սանդղակի կիրառումը ֆիզիկական կուլտուրայի դասերին

Գնահատման 10 միավորային սանդղակի կիրառումը ֆիզիկական կուլտուրայի դասերին

1 միավոր գնահատվում է երբ աշակերտը բացարձակ չի մասնակցում դասին։

2 միավոր գնահատվում է երբ աշակերտը հրաժարվում է կատարել վարժությունը։

3 միավոր գնահատվում է երբ աշակերտը ամբողջությամբ սխալ է կատարում վարժությունը։

4 միավոր գնահատվում է երբ աշակերտը վարժությունը հիմնականում ճիշտ է կատարում, բայց անվստահ է և թույլ է տվել 2-ից ավելի նշանակալից սխալ։

5 միավոր գնահատվում է երբ աշակերտը վարժությունը հիմնականում կատարում է ճիշտ, բայց միաժամանակ թույլ է տվել 1 նշանակալի և 3 աննշան սխալ։

6 միավոր գնահատվում է երբ աշակերտը վարժությունը հիմնականում ճիշտ է կատարում , բայց միաժամանակ թույլ է տվել 1 նշանակալի և 2 աննշան սխալ։

7 միավոր գնահատվում է երբ աշակերտը վարժությունը ճիշտ է կատարում , բայց միաժամանակ թույլ է տվել 2 աննշան սխալ։

8 միավոր գնահատվում է երբ աշակերտ վարժությունը կատարում է ճիշտ, անկաշկանդ, պահպանել է ծրագրային պահանջները, բայց թույլ է տվել 1 աննշան սխալ։

9 միավոր գնահատվում է երբ աշակերտը վարժությունը կատարում է ճիշտ , ռիթմով, անկաշկանդ, պահպանել է ծրագրային բոլոր պահանջները։

10 միավոր գնահատվում է երբ աշակերտը վարժությունը կատարում է ճիշտ, միաձույլ, հստակ, սահուն, վստահ, պահպանելով ծրագրային բոլոր պահանջները, ցուցաբերում է բարձր արդյունքներ

2.Կարդալ կարգը, համեմատել, գրել նկատառումներ

Ուսումնական աշխատանքի գնահատման կարգ

Համընդհանուր ներառում

Վեցերորդ շաբաթ-սեպտեմբերի 26-30

Վերապատրաստող մասնագետ՝ Լուսինե Ալեքսանյան

Հանդիպման վայրը՝ կենտրոնական ընթերցասրահ, ժամը՝ 15.00-17.00

Առաջադրանքներ

Թեմա 1. Ներառական կրթության փաստահենք ընկալում: Ներառական կրթության իրավական կարգավորումներ:

• Ներառական կրթությունը կրթահամալիրում ․ նկարագրությունը, առանձնահատկությունները, կազմակերպումը
• Կրթության առանձնահատուկ պայմանների կարիքով սովորողի ուսուցման կազմակերպման կարգ

Ուսումնասիրության նյութեր

• ՀՀ օրենքը երեխայի իրավունքների մասին
• Կոնվենցիա հաշմանդամություն ունեցող անձանց իրավունքների մասին
• «Հանրակրթության մասին» Հայաստանի Հանրապետության օրենքում լրացումներ և փոփոխություններ կատարելու մասին
• ՀՀ-ում ներառական կրթության իրականացման  գնահատում,  2013 թվական

Կրթական հատուկ կարիքով սովորողի համար կազմվում է անձնական գործի փաթեթ.

• ՏԻՄ–ի կողմից տրված վկայագիր.
• ՏՄԱԿ–ի կողմից տրված եզրակացություն.
• բժշկական փաստաթղթեր.
• անհատական ուսումնական պլան (ԱՈւՊ), որը լրացվում է դպրոցի առարկայական ուսուցիչների կողմից՝ դպրոցի ներառականության, ՏՄԱԿ–ի մասնագետների աջակցությամբ.
• մանկավարժահոգեբանական աջակցության ծառայությունների անհատական պլան (ՄԱԾԱՊ). լրացնում են կրթահամալիրի ներառականության և ՏՄԱԿ–ի մասնագետները։

Սալամանկայի հռչակագիրն ամրագրել է Կրթության առանձնահատուկ պայմանների կարիք ունեցող /ԿԱՊԿՈՒ/ անձանց համար կրթության կազմակերպումը:Այն է՝ յուրաքանչյուր երեխա ունի կրթական առանձնահատկություններ և կրթության հիմնարար իրավունք: Կրթական համակարգերը պետք է մշակվեն և կրթական ծրագրերն իրականացվեն՝ հաշվի առնելով այդ առանձնահատկությունների լայն բազմազանությունը, ինչը հնարավորություն կտա յուրաքանչյուրին ինտեգրվել հասարակության մեջ, կբացառի խտրականությունը և մարդկանց կդարձնի ավելի հանդուրժող իրենցից տարբեր անձանց նկատմամբ: Ներառական կրթության դեպքում դպրոցը ենթարկվում է փոփոխությունների, որպեսզի բավարարի յուրաքանչյուրի առանձնահատուկ կարիքները: Այսինքն, այս դեպքում ոչ թե աշակերտն է հարմարվում դպրոցին, այլ դպրոցն է հարմարվում աշակերտներից յուրաքանչյուրին: Բնականաբար, ներառական կրթության նշված սահմանումը և իրականացման մոտեցումների ընդունումը ենթադրում է կրթական համակարգի խորքային փոխակերպումներ, որոնք պետք է սկզբնավորվեն օրենսդրական ակտերում ներառական կրթության գաղափարի ամրագրմամբ: ՀՀ-ում ԿԱՊԿՈՒ անձանց կրթության մասին օրենքը և համապատասխանաբար ՝ներառական կրթության ՀՀ ծրագիրը ընդունվել է 2005թ.: ՀՀ Ազգային ժողովի կողմից ընդունված «Հանրային կրթության մասին» օրենքում փոփոխությունները միտված են մինչև 2022 թ. ընդհանուր ներառվածության ապահովմանը: Վերջինս ամրագրում է ՀՀ-ում ներառական կրթության իրականացման 3 հիմնակետային դրույթներ.
-ԿԱՊԿՈՒ երեխաները մյուսների հետ հավասար իրավունքներ ունեն ընտրելու հանրակրթական հաստատությունը և պարտադիր պետական կրթական ծրագրերը,

-ԿԱՊԿՈՒ երեխաներն իրավունք ունեն օգտվելու հատուկ մանկավարժական, առողջապահական, հոգեբանական և այլ ծառայություններից,

-Երեխայի համակողմանի բնականոն զարգացման տեսանկյունից նախընտրելի է կրթության կազմակերպումը առանց ընտանիքից և հասարակությունից նրա առանձնացման:

Թեմա 2. Սովորողների կրթական կարիքները, բազմազանության տեսակները, հաճախ հանդիպող կրթական կարիքների առանձնահատկությունները:

Ուսումնասիրության նյութեր

Ներառական կրթությունը գործնականում (ուսումնամեթոդական ձեռնարկ): Հեղինակ՝ Սյուզաննա Պետրոսյան

Թեմային առնչվող նյութեր (նյութեր, տեսանյութեր, գործնական խորհուրդներ)Երեխաների կրթական կարիքների բազմազանությունը: Սովորողների կրթական կարիքների բացահայտում և գնահատում:

Ներառական կրթությունը չի վերաբերում միայն հաշմանդամություն ունեցող երեխաների կրթությանը. այն պետք է օգտակար լինի բոլոր երեխաներին և կենտրոնացած բոլորի կրթական կարիքների վրա` բոլոր սովորողների համար ապահովելով որակյալ կրթություն և սոցիալական ներառում։

Կրթական կարիքների թվում մեծ տեղ ունեն աուտիզմը, մանկական ուղեղային պարալիզը, հիպերակտիվությունը, ուսման մեջ դժվարությունները, դիսլեքսիան, լսողական վերլուծության խանգարումը, դաունի համախտանիշը և այլն:

Աուտիզմը նյարդաբանական խանգարում է, որի ամենաէական դրսևորումը շփման պահանջի անկումն է կամ բացակայությունը: Աուտիզմ ունեցող երեխաները դժվարություններ ունեն սոցիալականացման հետ, քանի որ դժվարանում են հասկանալ, տարբերակել իրականն ու ոչ իրականը, ճիշտն ու սխալը:

Մանկական ուղեղային պարալիզը կենտրոնական նյարդային համակարգի հիվանդություն է, որին բնորոշ են՝ մկանների վերահսկման դժվարությունները, ռեֆլեքսների անկայունությունը, շարժողական գործառույթների խանգարումը, հավասարակշռությունը պահելու, փոքր շարժումներ կատարելու դժվարությունը: Երեխաների մեջ կարող են նաև նկատվել հուզակամային ոլորտի, վարքի խանգարումներ, տեսողության, լսողության խանգարումներ։

Հիպերակտիվության համախտանիշները բաժանվում են 3 խմբի՝ ուշադրություն, հիպերակտիվություն և իմպուլսիվություն:

Ուսման մեջ դժվարությունների հիմքում ընկած է հոգեկան գործընթացների խանգարումը, որն անմիջականորեն ազդում է ինչպես ուսման հիմնական հմտությունների վրա, ինչպիսիք են՝ կարդալը, գրելը, մաթեմատիկական գործողություններ կատարելը, այնպես էլ բարձրագույն հոգեկան գործառույթների վրա, ինչպիսիք են՝ վերացական մտածողությունը, հիշողությունը, ուշադրությունը, ինչն ազդում է ուսումնական գործընթացի վրա՝ այն երեխայի համար դարձնելով անմատչելի:

Դիսլեքսիան նյարդաբանական խանգարում է, որը բնութագրվում է կարդալու կարողության դժվարությամբ, որն էլ խանգարում է երեխայի բառապաշարի հարստացմանն ու գիտելիքների ձեռքբերմանը: Դիսլեքսիա ունեին Լեոնարդո դա Վինչին և Կիրա Նայթլին:

Լսողական վերլուծության խանգարման դեպքում դժվարանում է լսողական ինֆորմացիայի վերլուծությունը։ Այն կարող է առաջացնել լսողական հիշողության խնդիրներ և լսողության մեխանիկականացում: Այսինքն, երեխաները չեն կարողանում տարբերակել հնչյունների և բառերի միջև եղած տարբերությունները նույնիսկ այն դեպքում, երբ հնչյունները ասվում են բարձր և պարզ: Նրանք դժվարանում են որոշել ձայնի աղբյուրը, հետևաբար չեն կարողանում արգելափակել ֆոնային աղմուկը:

Դաունի համախտանիշը ի հայտ է գալիս այն ժամանակ, երբ երեխան ունի 21-րդ քրոմոսոմի լրիվ կամ մասնակի հավելյալ կրկնօրինակ։ Սովորաբար հանդիպող 46 քրոմոսոմների փոխարեն Դաունի համախտանիշով մարդկանց մոտ դրանց թիվը 47-ն է։ Հենց այդ քրոմոսոմի հետևանքով է առաջանում Դաունի համախտանիշը։ Դաունի համախտանիշ ունեցող անձանց բնորոշ հատկություններից են՝ մկանների թույլ զարգացվածությունը, ցածր հասակը, աչքերի դեպի վեր թեքվածությունը և ձեռքի ափի կենտրոնում խոր գծի առկայությունը։ Դաունի համախտանիշ ունեցող յուրաքանչյուր անձ յուրահատուկ է և կարող է ունենալ կամ չունենալ այս հատկանիշները։ Նրանց մոտ ավելի հավանական է որոշակի առողջականի խնդիրները, ինչպիսին են, օրինակ՝ սրտային, շնչառական կամ լսողության խնդիրները, Ալցհեյմերի հիվանդությունը, մանկական լեյկեմիան և այլն։ Քանի որ վերոնշյալների մեծ մասն արդեն հնարավոր է բուժել, Դաունի համախտանիշ ունեցող մարդիկ վարում են առողջ կյանք։

Թեմա 3. Կրթության կազմակերպման մանկավարժահոգեբանական աջակցության ծառայություններ՝ դպրոցական, տարածքային և հանրապետական մակարդակներ

Կրթության կազմակերպման մանկավարժահոգեբանական աջակցության ծառայությունների տրամադրման կարգ

Կրթության առանձնահատուկ պայմանների կարիքի գնահատումը դպրոցական մակարդակում (մեթոդական ուղեցույց -ձեռնարկ)

Դպրոցական մակարդակի գնահատման թերթիկարդյունքների գրանցման թերթիկ

1. Դպրոցական մակարդակում ծառայությունները տրամադրվում են այն սովորողներին, ովքեր սահմանված կարգով գնահատվել և ճանաչվել են որպես կրթության առանձնահատուկ պայմանների կարիք ունեցող: Սովորողի կրթական առաջընթացի ընթացիկ գնահատումը կատարվում է ԱՈՒՊ-ով սահմանված նպատակներին և խնդիրներին համապատասխան:
2. Տվյալ մակարդակում ծառայությունները տրամադրվում են հանրակրթական ուսումնական հաստատության մանկավարժահոգեբանական աջակցության ծառայության կողմից՝ մանկավարժահոգեբանական աջակցության ծառայության խմբի միջոցով։ Ծառայությունների տրամադրման արդյունավետության և որակի ապահովման համար պատասխանատվությունը կրում է հաստատությունը` ի դեմս դպրոցի տնօրինության և մանկավարժահոգեբանական աջակցության խմբի:
3. Աջակցության խմբի կազմում ընդգրկվում են հաստատության ուսուցչի օգնականը(ները), հատուկ մանկավարժը(ները), հոգեբանը, սոցիալական մանկավարժը և բուժքույրը: Եթե հաստատությունում չկան նշված մասնագետները, ապա նրանք հրավիրվում են տվյալ հաստատությունը սպասարկող Տարածքային կենտրոնից: Դպրոցական մակարդակում աջակցության խումբը, սերտ համագործակցելով ուսուցիչների և սովորողի ծնողների հետ, իրականացնում է դպրոցական մակարդակում կրթության առանձնահատուկ պայմանների կարիքի գնահատումն ու կրթության արդյունավետ կազմակերպումը:
4. Եթե սովորողին տրամադրվող ծառայությունը պահանջում է համապատասխան հարմարեցված տարածք, սարքավորումներ և գույք, ապա Տարածքային կենտրոնը կարող է, ծնողի համաձայնությամբ, ԱՈՒՊ-ով նախատեսված աջակցող ծառայությունները սովորողին տրամադրել կենտրոնում: Տարածքային մակարդակում ծառայությունները տրամադրվում են մանկավարժահոգեբանական աջակցության տարածքային կենտրոնի (այսուհետ՝ Տարածքային կենտրոն) կողմից՝ հանրակրթական ուսումնական հաստատության տնօրինության կամ երեխայի ծնողի /նրա օրինական ներկայացուցչի/ դիմումի հիման վրա: Դիմումը ստանալու օրվանից հետո, առավելագույնը 5-օրյա ժամկետում, Տարածքային կենտրոնի մասնագետները այցելում են դպրոց և աջակցություն են ցուցաբերում դպրոցի աջակցության խմբին՝ մշակելու սովորողին տրամադրվող աջակցող ծառայություները: Դպրոց չհաճախող երեխայի դեպքում /մանկապարտեզահասակ/ աջակցությունը կազմակերպվում է Տարածքային կենտրոնում: Սովորողի ԱՈՒՊ-ի հաստատումից հետո, 10-օրյա ժամկետում, Տարածքային կենտրոնի և դպրոցի տնօրենները համատեղ ստորագրում և վավերացնում են Տարածքային կենտրոնի կողմից դպրոցին (սովորող, ուսուցիչ, ծնող) տրամադրվող ծառայությունների ծավալը, ժամանակացույցը և Տարածքային կենտրոնի մասնագետների` դպրոց հաճախելու գրաֆիկը: Ընդ որում, ժամանակացույցը կազմելիս դրանում պետք է նախատեսել մասնագետների այցելություն դպրոց՝ առնվազն շաբաթը մեկ անգամ: Ժամանակացույցը կցվում է ԱՈՒՊ-ին:
5.  Ծնողի կողմից տարածքային մակարդակի Գնահատման արդյունքները կարող են բողոքարկվել Հանրապետական կենտրոն: Բողոքները քննարկվում են ՀՀ օրենսդրությամբ սահմանված կարգով և ժամկետներում:

Երեխայի կրթության առանձնահատուկ պայմանների կարիքի գնահատումն իրականացվում է մանկավարժահոգեբանական գնահատման չափանիշներին համապատասխան և նպատակ ունի սահմանելու՝ մանկավարժահոգեբանական աջակցության ծառայությունների մակարդակը, ծավալները և տևողությունը:

Ծանոթանալով դպրոցական մակարդակի գնահատման գործիքակազմին, կատարել մեկ գործնական աշխատանք՝ կարիքի գնահատում:

Ըմբռնել հրահանգները և հետևել դրանց
Ն՚Ա.-ն խաղաղ, հանգիստ սովորող է:
Հարմարվելու կարողություն
Կարծում եմ՝ հարմարվելու հետ խնդիր չունի:
Մասնակցելու և ակտիվ լինելու շահագրգռվածություն
Չի բացակայում դասերից, բայց պասիվ է:
Փոխհարաբերությունները հասակակիցների հետ
Դասարանցիների հետ, կարծես թե, խնդիրներ չունի:
Ինքնասպասարկում
Ն.Ա.-ն ունի  ինքնասպասարկման կարողություն:
Խոշոր մոտորիկա՝ տեղաշարժում

Ինքնուրույն օգտվում է տրանսպորտից
Մանր մոտորիկա՝ դաստակի և ձեռքերի գործածում
Կարողանում է ձեռքերը գործածել
Ուշադրություն
Ուշադիր է
Հիշողություն
Համենայն դեպս, փորձում է հիշել:
Հաղորդակցում
Մի քիչ պասիվ,, բայց հաղորդակցվում է
Ընտրություն կատարելու կարողություն
կարողանում է ընտրություն կատարել
Կուլ տալու կարողություն
Կլման ակտը նորմալ է:
Կարդալ
Ն.Ա.-ն նախատեսված տեքստը նախընտրում է բարձրաձայն չկարդալ, խոսքի թեթև խանգարում ունի:
Գրել
Կարողանում է գրել
Խոսքային հաղորդակցում
Նախընտրում է լռել, երբեմն՝ պատասխաններ է տալիս:
Մեքենայով փոխադրվելը
Կարողանում է մեքենայով փոխադրվել
Վարքի կառավարում
Կառավարելի վարք է ցուցաբերում:
Կողմնորոշում
Կարողանում է կողմնորոշվել:
Թեմա 4. Ներառող դասավանդում. Ռազմավարություններ, մեթոդներ, մոտեցումներ

Սովորողների ուսումնառություն ոճերը և ռազմավարությունները:
Ուսումնառության համընդհանուր ձևավորում (ՈւՀՁ), ներառող դասավանդում:

Ուսումնասիրության նյութեր

Ներառական կրթության ռազմավարություններ (դասագիրք)

Ուսումնառության համընդհանուր ձևավորում (ՈւՀՁ), տեսանյութեր, Մանուկ Խաչատրյան

Ուսուցման համընդհանուր ձևավորում, տեսանյութ,  Արմինե Ավագյան, Վերգինե Եսայան

Համատեղ դասավանդման մոդելներ

Համատեղ դասավանդման մոդելներն են՝

• Աջակցող դասավանդում
• Զուգահեռ դասավանդում
• Թիմային դասավանդում
• Այլընտրանքային դասավանդում
• Ուսուցման կենտրոնների տեղափոխման մոդելով դասավանդումՀամատեղ դասավանդման վերջնական նպատակը հանրակրթական դպրոցում իրենց տարեկիցների հետ կրթության առանձնահատուկ պայմանների կարիք ունեցող աշակերտների առավել արդյունավետ ներառումն է: Նպատակը որքան էլ հիմնավոր է, բարդ է կիրառելը:

Թեմա 5. Կրթական ծրագրերի հարմարեցումներ, տարբերակված ուսուցում, անհատական ուսուցման պլանավորում

Կրթական ծրագրերի հարմարեցումները, առանձնահատկությունները «Մխիթար Սեբաստացի» կրթահամալիրում

Անհատական ուսուցման պլան (ԱՈւՊ կրթահամալիրում կիրառվող օրինակ)՝ ուսուցման պլանավորում՝ օրինակելի ձև և կրթահամալիրային առանձնահատկություններ

Համատեղ դասավանդում, Ուսուցման կենտրոնների տեղափոխման մոդել, տեսանյութ

Կրթական ծրագրերի հարմարեցումները, առանձնահատկությունները «Մխիթար Սեբաստացի» կրթահամալիրում

Անհատական ուսուցման պլան (ԱՈւՊ կրթահամալիրում կիրառվող օրինակ)՝ ուսուցման պլանավորում՝ օրինակելի ձև և կրթահամալիրային առանձնահատկություններ

Համատեղ դասավանդում, Ուսուցման կենտրոնների տեղափոխման մոդել, տեսանյութ

Մեր կրթահամալիրում կարևորվում է՝
սովորողների ներգրավումը արշավներում: Այն օգնում է սոցիալականացմանը:
ծնողի հետ համագործակցությունը: Լյուդվիգի մայրիկի հետ շարունակում եմ համագործակցել
ծրագրի մասնագետների խորհրդատվությունը, աջակցում դասավանդողներին հատուկ կարիքով սովորողների հետ աշխատանքում:
Ֆիզկուլտուրան կազմակերպվում է սովորողի կարիքին համապատասխան՝ կամ որպես սովորողի ընտրած մարզաձև կամ ֆիզիոթերապիայի պարապմունք:

Թեմա 6. Համագործակցությունն ու փոխհարաբերությունները ներառական կրթության համատեքստում:

• Սովորող-սովորեցնող նախագիծ
• Ուսումնական ճամփորդություններ
• Ուսումնական ճամբարներ
• Խմբային աշխատանքներ
• Համագործակցային նախագծեր
• Ընտանեկան նախագծեր

Կարդացել եմ  Յուրա Գանջալյանի Երբ դասարանում ուսումնական հատուկ կարիքով երեխաներ կան հոդվածը:

• Ընթերցելով հասկանալու դժվարություններ ունեցող երեխաներին ուսուցանել բանավոր բարձրաձայն ընթերցանությամբ:
• Հաճախակի ստուգել հնարավոր առաջընթացը: Նրանք պետք է իմանան, թե որքան են առաջադիմել իրենց անհատական ծրագրում:
• Անմիջապես անդրադարձ կատարեք հատուկ կարիքով սովորողների կատարած աշխատանքին: Նրանք պետք է իմանան, թե ինչ են սովորել:
• Որքան հնարավոր է նրանց գործունեությանը վերաբերող առաջադրանքները պետք է կարճ լինեն: Երկար նախագծերը հուսահատեցնում են նրանց:
• Սովորելու դժվարություններ ունեցող երեխաները դժվար են ընկալում վերացական տերմինները և հասկացությունները: Որքան հնարավոր է առարկայական դարձրեք այն, ինչը նրանք սովորում են. տվեք նրանց իրեր, որոնց կարելի է շոշափել, լսել, որոնցից հնարավոր է հոտ քաշել և այլն:
• Սովորելու դժվարություններ ունեցող սովորողները կարիք ունեն և պետք է ստանան արված աշխատանքին հատուկ գովասանքներ: «Լավ ես արել» կամ «Ինձ դուր է գալիս քո աշխատանքը» ասելու փոխարեն պետք է մեկնաբանությունը կապել արված աշխատանքի հետ՝ նշելով որոշ մանրամասներ:
• Եթե անհրաժեշտ է, կրկնեք առաջադրանք կատարելու ձեր ցուցումները գրավոր և բանավոր կերպով: Նման երեխաների համար նյութն ընկալելի է լինում, երբ որքան հնարավոր է շատ զգայարաններ են մասնակցում այդ գործում:
• Խրախուսեք համագործակցությամբ սովորելու գործունեությունները, երբ դա հնարավոր է: